د ننګرهار دکرنې ریاست: سرخرود ولسوالی کټپور کې د کانال پاکولو چارې په چټکۍ روانې دي
د ننګرهار دکرنې، اوبولګولو او مالدارۍ ریاست وایي، چې ددې ولایت د سرخرود ولسوالی کټپور کلي کې د اوبولګولو کانال د پاکولو چارې په چټکۍ روانې دي، چې ډېر ژر به ګټې اخیستنې ته وسپارل شي.
د چارواکو په خبره د اوبولګولو یاد کانال د «IRC» نړیوالې مؤسسې په همکارۍ پاکېږي، چې پنځه کیلو متره اوږدوالی لري.
ددې کانال په پاکولو کې د یادې سیمې سوشمېر کسانو ته د کار زمینه هم برابره شوې ده، چې په بشپړیدو سره یې د کروندګرو کروندو ته پروخت د اوبولګولو زمینه برابرېږي.
