د ننګرهار کانال ریاست: د سیند غاړې حلقوي سړک د چارو ارزونه وشوه

د ننګرهارکانال رییس مولوی غلام الرحمن کظیم، د جلال اباد ښاروالۍ د تخنیکي او سکتوري چارو رییس انجنیر عبیدالله شېرزاد او یوشمېر نورو چارواکو ننګرهار کې د سیند غاړې حلقوي سړک  له  ډیزاین، نقشې او خظ اندازۍ، شخصي او دولتي ملکیتونو څخه له نږدې لېدنه وکړه.
ددې سړک ځینې برخې د ننګرهارکانال په ځمکو تېرېږي په همدې موخه تېره ورځ ترې د ننګرهارکانال رییس مولوي غلام الرحمن کظیم او د جلال اباد ښاروالۍ د تخنیکي او سکتوري چارو رئیس انجنیر عبیدالله شېرزاد او نورو لېدنه وکړه. 
د لېدنې پرمهال د ننګرهارکانال رییس مولوي غلام الرحمن وویل: «دا یوه ملي پروژه ده، اوله ډېره ښه مرغه په ماسټر پلان کې شامله ده .ددې لپآره چې کارونه يې منظم او په ښه ډول ترسره شي، موږ اړ یو چې دا موضوع د کرنې وزارت سره شرېکه کړو او اجازه ترې واخلو .»
د یادونې ده، چې د سیند غاړې دا حلقوي سړک د ۱۷ کیلومټرو په اوږدوالي او ۴۰ مټره په پلنوالي له ځنګل باغ څخه پیل او ترثمرخېلو پورې غزېږي .
په جوړېدو سره به يې د ښار ښکلا زياته، ګڼه ګوڼه کمه او شته ځمکې به ورسره خپل ارزښت لا لوړ کړي .