خوست کې پر ۲۲۰ کورنيو د وزو د وېش لړۍ پيل شو

د خوست دکرنې، اوبولګولو او مالدارۍ رياست د "TLO" مؤسسې په همکارۍ ددې ولايت د مرکز په ګډون د  صبری، باک، علیشر، موسی خېلو ولسوالۍ پر ۲۲۰ اړمنو کورنيو د شېدو ورکوونکو وزو د وېش لړۍ پيل کړی دی.
د چارواکو په خبره ددې پروژې ټوليز لګښت څلور ميليونه او ۲۲۴ افغانۍ ده چې د بېوزله کونډو او يتيمو کورنيو د اقتصادي ودې په پار پر دوی وزې وېشل کېږي.
په دې اړه جوړه شوې غونډه کې د خوست ولایت د کرنې، اوبو لګولو او مالدارۍ ریيس مولوی محمدزمان عمري  په خپلو خبرو کې وویل چې ياده مؤسسه   د کرنې او مالدارۍ په برخه کې د مظلوم ولس لپاره مرستې او کومکونه کوی او یادې مرستې یې پدې وخت کې د کونډو او یتمانو لپاره د اقتصادي وضعیت لپاره يو ښه فرصت وبلل.
ښاغلی عمري له دغو مرستو برخمنو کسانو څخه وغوښتل چې دغه وزو څخه د خپلې کورنۍ اقتصادي پياوړتيا په پار ګټه پورته او نور نسل ترې زیات کړي.