د لوګر دکرنې ریاست: د افغانستان راتلونکې نسلونو مؤسسې ولایتي چارواکو سره د همغږۍ غونډه وشوه
۱۳ کب ۱۴۰۱ه.ش
۱۱ شَعبان المُعَظّم ۱۴۴۴ ه.ق
د لوګر دکرنې، اوبولګولو او مالدارۍ ریاست په دې ولایت کې د افغانستان راتلونکې نسلونو «FGA» مؤسسې له چارواکو سره د همغږۍ غونډه دائره کړه.
په دې غونډه کې، چې د لوګر دکرنې ریاست د آمرینو ترڅنګ د افغانستان راتلونکې نسلونو «FGA» مؤسسې ولایتي نوی ګمارل شوی مسوول انجنیر ګل ولي مایار او د یادې مؤسسې پخوانی مسوول انجنیر مصطفی تسل شتون درلود د نوی مسوول تر پېژندنې وروسته پر هر اړخیزو موضوعاتو خبرې اترې وشوې.
په دې غونډه کې د لوګر دکرنې ریاست چاراکو د افغانستان راتلونکې نسلونو «FGA» مؤسسې او نورو مؤسسو پر چارواکو غږ وکړ، چې د لوګر دکرنې ریاست سره په همغږۍ ددې ولایت د زرغونتیا او سمسورتیا په پار له دوی سره مرستې او همکارۍ وکړي.
په ناسته کې بزګرانو ته د کرنیزو چوپړتیاوو برابرولو او د څارویو لرونکو به ستونزو، غوښتنو او دتخمونو دوېش اړوند هراړخیزې خبرې وشوې.
