د ننګرهار کانال ریاست کې د مالدارۍ سکټور د ودې په پار هڅې

دکرنې، اوبولګولو او مالدارۍ وزارت د نورو سکټورونو ترڅنګ د مالدارۍ سکټور ودې او پراختیا ته ځانګړې پاملرنه کړې، چې د مالدارۍ سکټور د ودې او پراختیا لامل شوی دی.
په همدې موخه د ننګرهار کانال ریاست په اډانه کې د مالدارۍ فارمونه فعالیت لري، چې دورځې نږدې ۳۵۰ لیټره تازه شېدې تولیدوي.
د ننګرهار د کانال ریاست چارواکي وایي، چې ددې ریاست د مالدارۍ فارم د هډې فارم په ۱۷ جریبه ځمکه کې جوړه شوې ده، چې په کې ۲۳۸ څاروي ساتل کېږي او په کې غواوې، خوسکیان او غویان شامل دي، چې له دې دلې له ۴۰ غواګانو څخه د ورځې تر ۳۵۰ لیټره تازه شېدې ترلاسه او بازار ته وړاندې کېږي.
د ننګرهار کانال ریاست چارواکي وایي، چې د مالدارۍ فارم د پراختیا په پار هلې ځلې کوي، چې وسره به ددې ریاست د عوایدو کچه لوړ او هېوادوالو ته باکیفیته لبنیات برابر شي.