د ننګرهار دکرنې ریاست: پنځو لسیزو وروسته 600جریبه ځمکه کرکیلې ته چمتو شوه 

د ننګرهار دکرنې، اوبولګولو او مالدارۍ ریاست وایي، چې د کامې ولسوالی ګرداب سیمه کې ۶۰۰ جریبه مخروله ځمکه تثبیت او له پينځو لسیزو وروسته کرکیلې ته چمتو شوه.
د چارواکو په خبره په دغې ځمکې به د 35 ميليونه افغانيو په ټوليز لګښت مالټې بڼونه جوړ او پرې به زرګونه د مالټو اعلی نوعې بوټي وکرل شي .
د کامې ولسوالۍ ددې ځمکې د رسمي پرانستې پرمهال د ننګرهار کرنې، اوبولګولو مالدارۍ رییس مولوي عبدالستار محمد چې د ننګرهار کانال رییس مولوي غلام الرحمن کظيم ، قضاء امارت مسوول حاجي مومن، قاري ذاهب خېرخواه او نورو يې ملتيا کوله وويل: «دا 600 جريبه مخروبه ځمکه به په اجاره ورکړل شي او پرې به د مالټې بڼونه جوړ شي، او له لارې به يې 120 تنو هېوادوالو ته د کار زمينه برابره شي.»
ددې ځمې په بیارغونې سره به یاده سیمه زرغون، بڼونه به پکې جوړشي، تفریحي ځایونه به پکې ورغول شي، چې ورسره به د یادې سیمې ارزښت لوړو او خلکو ته به دکار زمینه برابره شي.