د هلمند کرنې ریاست اړوند تفریحي پارک کې د نیالګیو ایښودلو چارې پیل شوې 

دهلمند ولایت د کرنې، اوبولګولو او مالدارۍ ریاست اړوند د طبیعي سرچینو آمریت له خوا، د هلمند ولایت مقام په همکارۍ د یوه ګډ پلاوي په حضور کې،  هلمند سیند ته څېرمه د هلمند دکرنې ادارې مربوط تفریحي پارک کې د زینتي بوټیو کېنولو چارې  پیل شوي دي. 
د یاد تفریحي پارک ټولې هغه سیمې چې نیالګي او زینتي بوټي یې وچ او یا هم له منځه تللي دي له سره پکې نوي نیالګي او زینتي بوټي ایښودل کېږي.
سږکال د هلمند د کرنې ریاست په پام کې لري تر څو نوموړي تفریحي پارک کې د پام وړ نوښتونه رامنځته کړي تر څو د سیلانیانو لپاره د  یوه ارام چاپېریال زمینه برابره شي .
ددې پروسې په دوام به نوموړي تفریحي پارک کې د پسرلني ګلانو لپاره د ګلدانونو چمتو کول، د بې ګټې او هرزه وښو له منځه وړل، د پارک پیاده روونو رغول، د شنو سیمو اوبه کول  او د پارک لپاره د  نویو چمنونو کرلو چارې هم تر سره کېږي.