د غزني ولایت د غصب د مخنیوي او غصب شوو ځمکو د استرداد تخنیکي ټیم غونډه
۱۳ سلواغه ۱۴۰۱ه.ش
۱۱ رَجَب المُرَجَّب ۱۴۴۴ ه.ق
د غزني ولایت د غصب د مخنیوي او غصب شوو ځمکو د استرداد تخنیکي ټیم د چارو د لا همغږۍ اړوند غونډه تر سره کړه.
ياده غونډه چې د غزني ولایت کرنې ریاست کې دائره شوې وه پکې د غزني دکرنې رییس مولوي عبدالمنان اکرام تخنیکي ټیم رییس په توګه او دعدلیې رییس، دښارجوړونی رییس، د کاراو ټولنیز دچارو رییس، دارشادحج او اوقافو رییس، د څارنوالی رییس، د امنیی قومندانی مرستیال، د ښاروالی ریاست استازی، د مستوفیت رییس او د اراضي د کدستر د سروې مدیر دغړي په توګه شتون درلود.
د غونډې په پیل کې د غزني دکرنې رییس په هغو ستونزو او مشکلاتو رڼا واچوله چې د غزني ولایت د غصب د مخنیوي او غصب شوو ځمکو د استرداد تخنیکي ټیم به ورسره د کار په جریان کې مخامخ کېږي.
نوموړي د خپلو خبرو په جریان کې زیاته کړه چې د غصب د مخنیوي او غصب شوو ځمکو د استرداد تخنیکي ټیم ته د افغانستان اسلامي امارت د مشرتابه لخوا ډېر دروند مسؤلیت ورسپارل شوی، چې د یاد مسؤلیت د ښه پرمخ وړلو لپاره په چارو کې اخلاص او صداقت ته اړتیا ده او یاد تخنیکي ټیم باید په ګډه د افغانستان اسلامي امارت د مشرتابه لخوا ورسپارل شوی مسؤلیت په ښه شان سره ترسره کړي.
د غونډې په جریان کې د تخنیکي ټیم غړو په نوبتي ډول خپل نظریات شریک کړل او د تخنیکي ټیم د چارو د منظم پرمخ وړلو لپاره ځينې اړين مسایلو اړوند بحث وشو.
