کندز کې د ځنګلونو او طبیعي سرچینو ساتنې په پار هڅې
۱۳ سلواغه ۱۴۰۱ه.ش
۱۱ رَجَب المُرَجَّب ۱۴۴۴ ه.ق
د کندز ولایت د کرنې، اوبولګولو او مالدارۍ رییس مولوي امان الله حسن د علي آباد ولسوالۍ د ځنګلونو د کمیټې له غړو سره وکتل. په دې غونډه کې د کندز د کرنې، اوبولګولو او مالدارۍ رییس مولوي امان الله حسن د ځنګلونو او څړځایونو د طرزالعمل او قانون، د ځنګلونو د ساتنې، پالنې او د ځنګلونو د پراختیا په اړه خبرې وکړې. د ځنګلونو د وهلو او پرې کولو د مخنيوي په اړه يې عمومي معلومات ورکړل او وړانديز يې وکړ چې هغه کسان چې ځنګلونه پرې کوي او له منځه وړي بايد د قانون له مخې اړوندو ارګانونو ته ور وپېژندل شي.
وروسته د ځنګلونو د تنظیم کمیټې یوشمېر غړو خبرې وکړې او ژمنه یې وکړه چې د خپل کاري پلان سره سم به عمل وکړي او د ځنګلونو د ټولو برخو او څړځایونو ساتنه به وکړي.
