دننګرهار بهسودو کې د ګلبهار کلی د کانال د بیارغونې چارې پیل شوې
د ننګرهار دکرنې، اوبولګولو او مالدارۍ ریاست چارواکي وايي، چې ددې ولایت د بهسودو په ولسوالی کې د ګلبهار دکلي کانال د بیارغونې چارې پیل شوي دي.
د ننګرهار دکرنې، اوبولګولو او مالدارۍ ریاست وایي، چې یاد کانال د خوړو نړیوال پروګرام «WFP» په مالي او د افغانستان راتلونکو نسلونو مؤسسې «FGA» په تخنیکي همکارۍ د ۴.۵ میلیونه افغانیو په لګښت د نهو میاشتو په ترڅ کې رغول کېږي.
د چارواکو په خبره ددې پروژې په ترڅ کې ۱۹۲ متره نوی کانال رغول کېږي او ترڅنګ یې ۳۲۴۰ متره پخوانۍ کانال هم پاک کاري کېږي.
ددې کانال د بیارغونې په ترڅ کې د یادې سیمې ۲۴۷ اوسیدونکو ته د کار زمینې برابرولو ترڅنګ په جوړېدو سره یې زرګونه جریبه کرنیزو ځمکو ته د اوبوخور زمینه برابره او ترڅنګ یې د اوبو د ضایعاتو مخه هم نویل کېږي.
