ننګرهار کې د ځمکې غصب مخنیوی او د غصب شویو ځمکو بېرته راګرځولو تخنیکي پلاوی غونډه
د ننګرهار دکرنې، اوبولګولو او مالدارۍ ریاست د امارتي، سلطاني، مرعي او وقفي ځمکو د غصب څخه د بېرته راګرځولو تخنيکې پلاوی د ننګرهار ولایت د کرني اوبو لګولو او مالدارۍ رئیس مولوی عبدالستار محمد تر مشرۍ لاندې چې د تخنیکې پلاوی غړو د ننګرهار عدلیې رییس، د مستوفیت رییس، امنیه قومندانۍ مرستیال، حج اوقافو رییس، جلال اباد ښاروالۍ مرستیال، ښارجوړونې رییس، کدستر امر، کار او ټولنیزو چارو رییس او د قضایای امارت امر ګډون درلوده خپله نهمه نوبتې غونډه تر سره کړه.
د غونډې په پيل کې په تیرو موضوعاتو باندې بحث او رڼا واچول شوه، او هم د ښاروالې پورې اړوند د قاسم اباد د ښارګوټي او د کرنې، اوبو لګولو او مالدارې ریاست اړوند ۱۰۰ جریبه ځمکې د غصب په مورد تصمیم ونیول شو، چې د قاسم دښارګوټي موضوع به د ننګرهار والي سره شریکوی ترڅو یاده پروژه د غاصبینو له منګولو خلاصه او د پروژې مکمل تطبیق او هم سند لرونکو اشخاصو ته چې پخوا نمرې د ښاروالې لخوا ورته ویشل شوې تسلیم شي .
همداراز د ځمکو د تخنیک چارو امریت ته دنده وسپارل شوه تر څو د کرنې اوبو لګولو او مالدارۍ ریاست اړوند د ښیوي ولسوالۍ د تارانو په ساحه کې د اجارې لاندې ځمکو ټول اسناد او معلومات ترتیب او د کدستر امریت اړوند انجینرانو په شمول د ساحي څخه لیدنه ترسره او کروکې کي يي راتلوونکې غونډه کې د تصمیم نیونې په موخه د تخنیکې پلاوی سره شریک کړي.
