د کندز په علي آباد ولسوالی کې پر ۲۵ کورنیو د شېدو غواګانې وویشل شوې
۱۷ مرغومې ۱۴۰۱ه.ش
۱۴ جُمادیَ الثّاني ۱۴۴۴ ه.ق
د کندز دکرنې، اوبولګولو او مالدارۍ ریاست وایي، چې د ملګرو ملتونو د پراختیایي پروګرام (UNDP)په مالي او د آغاخان پرمختیایي بنسټ (AKF) په تخنیکي همکارۍ ددې ولایت د علي آباد په ولسوالی کې پر ۲۵ بېوزله کورنیو ۲۵ د شېدو غواګانې وېشلي دي.
د چارواکو په خبره دغه غواوې پر هغو کورنیو وېشل شوي دي، چې له سختو اقتصادي ستونزو سره مخ دي، او له بېوزلۍ کړېږي.
دغه وېشل شوي غواوې په ۲۴ ساعتونو کې تر ۱۰ لیټره شېدې تولیدوي، چې د کورنيو د اقتصادي پياوړتيا او په کور کې د ښځو لپاره د کار د پيداکولو په موخه وېشل شوي دي.
ددغو مرستو موخه په دې ولسوالی کې د مالدارۍ سکټور ته پراختیا ورکول او د بېوزله کورنیو لاس نیوی دی.
