ارزګان کې پر یوشمېر بزګرانو د غنمو اصلاح شوي تخمونه وېشل شوي دي
۱۰ مرغومې ۱۴۰۱ه.ش
۷ جُمادیَ الثّاني ۱۴۴۴ ه.ق
د ارزګان د کرنې، اوبولګولو او مالدارۍ ریاست وايي، چې د ملګروملتونو د خوړو او کرنې ادارې «FAO» په مالي همکارۍ ددې ولایت پر یوشمېر بزګرانو پروخت د غنمو اصلاح شوي تخمونه وېشلي دي.
د ارزګان دکرنې ریاست وایي، چې ددغو اصلاح شویو غنمو د وېش موخه په دې ولایت کې د غنمو د اصلاح شویو تخمونو ترویج، په کتار بڼه د غنمو د کرکیلي دودول او په ټوله کې د غنمو د حاصلاتو زیاتوالی او د بزګرانو عوایدو زیاتولو ته زمینه برابرول دي.
د ارزګان دکرنې ریاست هلې ځلې کوي، چې د بزګرانو د ملاتړ او لاس نیوی، په پار پر دوی د اصلاح شویو تخمونو د وېش ترڅنګ دوی ته د کرکیلي نوې لارې چارې زړه کړي او ترڅنګ یې پر دوی د کرکیلي اړونده توکي هم ووېشي.
