لغمان کې د مومپلیو حاصلات ډېر شوي
۲۸ لېندۍ ۱۴۰۱ه.ش
۲۵ جمادي اﻷول ۱۴۴۴ ه.ق
د لغمان دکرنې، اوبولګولو او مالدارۍ ریاست وایي، چې ددې ولایت په کچه د ممپلیو حاصلات ډېر شوي، او بزګران یې له مارکېټ څخه هم خوښ دي.
دلغمان کرنې، اوبولګونې او مالدارۍ ریس الحاج مولوی محمدولي محسن قرغه یې ولسوالی کې د مومپلیو د پروسس فابریکي او له یو شمېر بزګرانو سره په سیمه کې د هغوی د ستونزو او مشکلاتو اوریدو په موخه لیدنه وکړه.
د لغمان دکرنې ریاست د خپل ترویجي همکارانو په مټ هڅه کوي چې د کرنیزو ځمکو خصوصیاتو ته په کتو ورته مناسب او ارزښت لرونکې نباتات ور وپېژني، ترڅو زیات حاصلات ترلاسه او اقتصادي وضعیت یې ښه شي.
په همدې اساس قرغه یې ولسوالی هغو سیمو کې چې شګلنۍ ځمکې موجودي او اوبه کمې دي د مومپلیو کښت زیات شوي دي.
بزګرانو د پروسس فابریکی د ایجاد له امله خوښي وښوده چې د تېر کال په نسبت یې سږکال حاصلات په لوړه بیه پلورلي او کرنې ریاست د حمایت او ملاتړ څخه یې مننه وکړه.
په پای کې بزګرانو او د پروسس فابریکې مسؤلینو خپلې ستونزې د لغمان د کرنې ریس سره شریکې کړل، چې دکرنې رییس د پانګونې په موخه دوی وهڅول او ورته په خپله برخه کې د بشپړې همکارۍ ډاډ او اطمینان ورکړ.
