ننګرهار کې د غنمو د مورني تخم د تولید په موخه کرکېله
۱ لېندۍ ۱۴۰۱ه.ش
۲۷ ربیعالثاني ۱۴۴۴ ه.ق
د ننګرهار د کرنې ریاست اړوند د شیشم باغ څېړنیز فارم کې د غنمو د مورني تخم د تولید په موخه کر کېله پیل شو.
د ننګرهار د کرنې ادارې رییس مولوی عبدالستار محمد وایي، چې په ۱۴۰۰ کال کې په یاد فارم کې ۵.۵ ټنه د غنمو مورني تخم تولید شوې وه، چې په ۱۴۰۱ کال کې د لازمو سپارښتنو په نتیجه کې ۱۳.۶ ټنه د غنمو مورني تخم تولید شوي دي، او کرنیزو شرکتونو ته د تکثیر په موخه ورکړل شوي دي.
محمد زیاته کړه چې سږکال پلان لرو په ۲۲ جریبه ساحه کې د غنمو مورني تخم د تولید لپاره کرنه تر سره کړو، او خپل تولید زیات کړو.
