د ننګرهار د کانال ریاست: ددې ریاست د زیتونو تېل او اچارو عواید څه باندې ۷۱ میلیون افغانۍ ده
۳۰ لړم ۱۴۰۱ه.ش
۲۶ ربیعالثاني ۱۴۴۴ ه.ق
د ننګرهار دکانال ریاست چارواکي وایي، چې ددې ریاست اړوند د زیتونو تېل او اچارو سږني عواید څه باندې ۷۱ میلیون افغانیو ته رسېږي.
د ننګرهار دکانال رییس مولوی غلام الرحمن کظیم وایي، چې د یاد کانال د پرسونل او امکاناتو له لارې سږکال ۱۲۱ زره او ۷۳ لیټره د زیتون تېل او ۳۱ زره او ۶۵۰ بوتله ۵۰۰ ګرامه اچار تولید شوي دي، چې د راڼه او عادلانه داوطلبۍ له لارې یولیټر زیتون تېل په ۵۶۲ افغانۍ او یوبل زیتون اچار په ۱۰۵ افغانۍ، چې ټول ټال څه باندې ۷۱ افغانۍ کېږي خرڅ او عواید یې د دولت خزاني ته سپارل کېږي.
باید وویل شي، چې د افغانستان د زیتونو تېل او اچار په کور د ننه سربېره په بهرنیو هېوادونو کې هم پېرېدونکي لري، او هر کال د زیتونو تېل او اچار له هېواده بهر هم صادرېږي.
