ننګرهارکې ۱۱۵ کروندګرو سره نغدې مرستې وشوې
د ننګرهار د کرنې، اوبولګولو او مالدارۍ ریاست په هڅو د ژغورنې نړیواله کمیټې (IRC) لخوا د سرخرود او بټي کوټ ولسوالیو ۱۱۵ تنه مستحقو نارینه او ښځینه کروندګرو سره د اقتصاد د پیاوړتیا او د کرنیزو وسایلو او تخمونو د اخبستلو په موخه نغدې مرستې وشوې.
ددې مرستې په ترڅ کې هر بزګر ته ۲۶۱۰۰ افغانۍ ورکړل شوي دي، چې ۵۷ یې نارینه او ۸۸ یې ښځینه کروندګر دي.
د چارواکو په خبره ددې مرستې موخ داده، چې برخمن شوي بزګران له دغومرستو څخه په ګټنې د خپل ضرورت وړ کرنیز وسایل، تخمونه او کیمیاوی سرې واخلي او خپل اقتصاد پیاوړي کړي.
د یادونې وړ ده چې په نښه شوو کروندګرو ته به د کرکیلي په مختلفو برخو کې روزنه هم ورکول شي.
ورته مهال د ډنمارک د ګډوالو ادارې (DRC) موسسې لخوا د سرخرود، بټی کوټ او غني خېلو ولسوالیو کې ۲۳۱ تنه کاریګرو ته چې د کانالونو او سربندونو د جوړولو په چارو کې بوخت دي، د کار په بدل کې نغدې مرستې وشوې.
