ننګرهار: د هزارناوو کانال رغنیزې چارې بشپړ او ګټې اخیستنې ته وسپارل شو
۱۱ لړم ۱۴۰۱ه.ش
۷ ربیعالثانی ۱۴۴۴ ه.ق
د ننګرهار دکرنې، اوبولګولو او مالدارۍ ریاست د ملګرو ملتونو پرمختیایي ادارې (UNDP) په مالی او د اسلامیک ریلیف مؤسسې په تخنیکې همکارۍ د ننګرهار د کرنې ریاست اړوند د مهمدرې ولسوالۍ د کرنې چارواکو سره په همغږۍ د هزار ناوو کانال رغنیزې چارې بشپړ او ګټې اخیستنې ته سپارلي دي.
ددې کانال د رغونې ټولیز لګښت ۴.۳ میلیونه افغانۍ ده، چې رغنیزې چارې یې د درېوو مشاتو په موده کې بشپړ او ګټې اخیستنې ته وسپارل شو.
د چارواکو په خبره د یاد کانال ترڅنګ ۲۴۰ متره استنادي دېوال او ۱۰ پلچکونه هم په اساسي ډول رغول شوي دي، دغه راز ۲۱۰۰ متره کانال پاک کاري شوي، چې د یادې پروژې په لړ کې ۵۹۰ کسانو ته د کار زمینه هم برابره شوې وه.
ددې کانال په رغولو سره ۲۵۰۰ جریبه کرنیزو ځمکو ته د اوبوخور زمینه برابره شوې او ترڅنګ یې د اوبو د ضایعاتو مخه هم نویل شوي دی.
