د لغمان دکرنې ریاست: د بیرو ځنګل د ترویج په پار په سراج بڼ کې د بیرې قوریه جوړه شوې

۴تله ۱۴۰۱ه‍.ش
۲۹صَفَرالمظفّر ۱۴۴۴ ه‍.ق
د لغمان دکرنې، اوبولګولو او مالدارۍ ریاست وایي، چې په هېواد کې د بیرې ځنګل د ترویج او پراختیا په پار د(SARCDO) مؤسسې له خوا د لغمان ولایت مرکز سراج بڼ کې د بیرې قوریه جوړه شوې ده.
د لغمان دکرنې رییسو الحاج محمدولي محسن او انجنیر حشمت الله حافظي د لغمان ولایت مرکز سراج بڼ د(SARCDO) مؤسسې د بیرو قوریه څخه له نږدې لیدنه وکړه.
     په دی لیدنه کې او انجنیر حشمت الله حافظي د قوریې له ټول کاریګرو څخه چې شمېر يې ۷۰ تنو ته رسېږي لیدنه وکړه او د کاریګرو نظرونه او مشکلات یې له نږدې واوریدل او د هر ډول ملاتړ ډاډ يې ورکړ.
حافظي زیاته کړه: «دا د شکر ځای دی، چې خپل وطن ته خدمت کوئ او دلته درته د کار زمینه برابره شوې، ده زه به نور لا هم کوشش وکړم چې لغمان ولایت ته نورې پروژې راوړم او وطن اباد کړم او ولسونو ته د کار زمینه برابره کړم.»
وروسته د  لغمان ولایت د کرنې رییس  مولوی محمد ولي محسن د(SARCDO) مؤسسې له ریس تحماس حافظي څخه مننه وکړه، چې د وطن په سمسورتیا کې نه ستړي کیدونکي خدمتونه کړي او کوي هم  همدارنګه لسګونو نفرو ته د کار زمینه برابره کړې.
ښاغلی محسن د یادې مؤسسې چارواکو سره دهر راز همکاریو ژمنه وکړه.