ننګرهار کې په ۱۸۷۵ کسانو نغدې پیسې ووېشل شوې

۴تله ۱۴۰۱ه‍.ش
۲۹صَفَرالمظفّر ۱۴۴۴ ه‍.ق
د ننګرهار دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې (FAO) په مالي لګښت او د اکشن ایډمؤسسې په تخنیکي همکارۍ د ننګرهار ولایت د بهسودو ولسوالی په ۱۸۷۵ کسانو د کار په بدل کې نغدې پیسو د وېش لړۍ پیل شو.
د ملګرو ملتونو دخوړو اوکرنې ادارې (FAO) د ختیځ زون مسؤل خوشحال آصفي وویل، چې په دغه پروژو کې کانالونه، سربندونه، ویالي، ورښونه او د ویالو او کانالونو واړه استنادی دیوالونه بیا ورغول شوي دي، چې موخه یي د کرنې سکتور تقویه کول دي. 
د پیسو د وېش پرمهال دننګرهار د کرنې، اوبولګولو او مالدارۍ رییس مولوی عبدالستار محمد د (FAO) دفتر څخه په مننې سره د یادو پروژو د تطبیق څخه خوښي څرګنده کړه او زیاته یي کړه، چې د کرنې او مالدارۍ یوازینې سکتور دی، چې د هېواد د اقتصاد په پیاوړتیا کې مهم رول لوبوي نو اړینه ده، چې نوري مرستندویه ادارې هم دغه سکتور ته پوره پاملرنه وکړي.