دکرنې وزارت پلاوی د فارم جدید ملي کلکسیونونو څخه لیدنه وکړه
۲۸ وږی ۱۴۰۱ه.ش
۲۲صَفَرالمظفّر ۱۴۴۴ ه.ق
د کرنې، اوبولګولو او مالدارۍ وزارت د مالي او حسابي چارو رییس مولوی ضیاءالدین واقف، د یاد ریاست د عوایدو ام، د مصارفو امر او د ولایت مقام سکتوري رییس پداسې حال کې چې د ننګرهار د کرنې، اوبولګولو او مالدارۍ، رییس مولوی عبدالستار محمد يي ملتیا کوله د بهسودو ولسوالی د فارم جدید د کلکسیونونو څخه لیدنه وکړه.
د لیدنې پر مهال د ننګرهار د کرنې ادارې رییس محمد د کلکسیونونو په اړه راغلي پلاوي ته هر اړخیز معلومات ورکړه او زیاته یي کړه، چې په دغه کلکسیونونو کې د سټروسو ۷۵ ډوله، د انارو ۷۹ ډوله، د خرما ۱۴ ډوله، د زیتون ۱۰ ډوله، د املوکو ۲۵ ډوله، د انځرو ۱۶ ډوله او د لوکاټو ۱۲ ډوله موجود دي.
د دي تر څنګ په یاد فارم کې د مېوو د کیفیت او کمیت معلومولو لپاره یو مجهز لابراتوار هم شتون لري، چې په مېوو باندې څیړنې تر سره کوي.
