میدان وردګو ولایت کې یوشمېر بڼوال وروزل شول
۲۶ وږی ۱۴۰۱ه.ش
۲۰صَفَرالمظفّر ۱۴۴۴ ه.ق
د میدان وردګو ولایت دکرنې، اوبولګولو او مالدارۍ ریاست د سولې رېښې (Root of peace) مؤسسې په همکارۍ ددې ولایت یوشمېر بڼوال د بڼوالۍ اړوند په بېلابېلو برخو کې روزلي دي.
د چارواکو په خبره په دې روزنیز پروګرام کې د باکیفیته مېوو تولید او د ژمنیو افتونو دکنټرول په موخه ۲۵ بڼوال روزل شوي دي.
په دې روزنیز پروګرام کې بڼوالو ته د درملو جوړول لکه د (یوریا اسپرې د ژمني تېلو اسپرې ،بورډیکس مکسچر،بورد فیست،بورډیکست پینت) په هکله لازې لارښوونې وشوې.
د پروګرام په پای کې په یادو بڼوالو د بڼوالۍ اړوند توکي هم ووېشل شول.
باید وویل شوي، چې ددې روزنیز پروګرام بڼوال د هغو ۶۸ بڼوالو په ډله کې ده، چې د همدې مؤسسې له خوا په (مرکز، نرخ او جلریز) ولسوالیو کې ورته ۱۴۴ جریبه بېلابېل مثمر بڼونه جوړ شوي دي.
