ننګرهار کې د سټروسو ۱۶۹ جريبه بڼونه جوړېږي
۷ وږی ۱۴۰۱ه.ش
۱ صَفَرالمظفّر ۱۴۴۴ ه.ق
د ننګرهار کانال رياست چارواکي وايي چې ددې فارم اړوند د هډې فارم په شپږ بلاک کې د سټروسو بڼونو جوړولو چارې پيل شوي دي.
د چارواکو پ خبره د ننګرهارکانال ریاست هډې فارم اړونده شپږم بلاک په ( ۳۸، ۳۷، ۲۹، ۳۰ ) نمره ځمکو کې چې څه د پاڅه ۱۹۶ جریبه ځمکه په برکې نېسي، د درېو کرنیزو شرکتونو له لوري پرې د ۱۸ میلونه افغانیو په لګښت د مالټې بڼونو جوړونې چارې روانې دي.
د یادونې ده چې د ننګرهارکانال ریاست د رهبرۍ د ځانګړې پاملرنې او سټروسو بڼونو د تقويي او ځان بساینې په پار په روان کال کې په شاوخوا ۱۲ زره جریبه ځمکې په څلورګونو فارمونو کې د سټروسو بڼونه جوړ شوي دي، چې په نږدې راتلونکې کې به ننګرهار ولایت د مالټو له درکه په ځان بسیا او د پردیو له اختیاجه به خلاص شي.
