فراه کې په ۲۰۰ بزګرانو د غنمو اصلاح شوي تخمونه ووېشل شول
۲۹ زمری ۱۴۰۱ه.ش
۲۲ محرم الحرام ۱۴۴۴ ه.ق
د فراه دکرنې، اوبولګولو او مالدارۍ ریاست وایي، چې ددې ولایت د پرچمن ولسوالی په ۲۰۰ مستحقو بزګرانو د غنمو اصلاح شوي تخمونه وېشلي دي.
د چارواکو په خبره د ترکیې هېواد له خوا یاد ولایت سره د مرسته شویو اصلاح شویو تخمونو له ډلې پنځه ټنه یې د پرچمن ولسوالی بزګرانو ته ځانګړې شوې وه، چې د یوې غونډې په ترڅ کې په مستحقو بزګرانو ووېشل شوه.
ددې مرستې په لړ کې هر بزګر ته ۲۵ کیلوګرامه د غنمو اصلاح شوي تخمونه ورکړل شوي دي.
ددې مرستې موخه د بزګرانو ملاتړ او په دې ولایت کې د غنمو د اصلاح شویو تخمونو ترویج او د حاصلاتو زیاتوالی دی.
