زابل کې د مېوو حاصلات ډېر شوي
۲۵ زمری ۱۴۰۱ه.ش
۱۸ محرم الحرام ۱۴۴۴ ه.ق
د زابل د کرنې، اوبولګولو او مالدارۍ ريیس مولوي عطاءالله راشد وایي، د تېر کال په پرتله په دغه ولایت کې د مېوو په حاصلاتو کې زیات والی راغلی دی.
راشد له ټولو بڼوالو څخه وغوښتل، چې د راتلونکې کال لپاره د مني په موسم کې هغه ناروغۍ چې له امله یې د دوی بڼونه زیانمن شوي یاد داشت او د زابل د کرنې، اوبو لګولو او مالدارۍ ریاست سره دې شریک کړي، تر څو د یاد رایاست مسوولین ورته درمل چمتو کړي.
بل لور ته بیا د دې ولایت بزګران او د مېوو سوداګر هم د حاصلاتو د زیاتوالي خبر ورکوي خو وایي اورښتونو او سېلاونو یې وچو مېوو ته زیان اړولی، دوی له حکومت څخه د آزاد بازار او سوداګرو د راجلب کولو غوښتنه کوي او وایي، چې له هېواد څخه بهر ته د وچو مېوو د لېږد لپاره هم ورته زمینه برابره شي.
دا په داسې حال کې ده، چې وروستیو اورښتونو د زابل مېوو ته زیان اړولی، خو د دې ولایت د کرنې ریاست مسوولین وايي، چې د انځرو په حاصلات کې د تېر کال په پرتله دوه برابره زیات والی راغلی دی.
