د ننګرهار کانال رياست: تېرو کابو پنځو مياشتو کې شاوخوا ۲۷ کيلو متره لويې ويالې او فرعي کانالونه پاک شوي
۲۵ زمری ۱۴۰۱ه.ش
۱۸ محرم الحرام ۱۴۴۴ ه.ق
د ننګرهار کانال رياست چارواکي وايي، چې په څلورګونو فارمونو کې په تېرو کابو پنځو مياشتو کې د خېريه ادارو په مالي ملاتړ شاوخوا ۲۷ کيلو متره لويي ويالې او فرعي کانالونه پاک شوي دي.
په دغو پروژو کې، داسې فرعي کانالونه او لويي ويالې هم شاملې دي، چې په تېرې يوې لسيزي کې نه و پاک شوي.
د چارواکو په خبره اوسمهال فصلونو، بڼونو او کروندو ته په وخت اوبه ورسېږي او له برکته به يې زرګونه جريبه ځمکه خړوب او د کانال د عواېدو کچه به ورسره لوړه شي.
بايد وويل شي، چې په دغو پروژو کې ۱۲۰۰ هېوادوالو ته د کار زمينه برابره شوې وه.
