هلمند کې د قصابانو او لبنیاتو ټولنو له غړو سره ناسته وشوه
۲۵ زمری ۱۴۰۱ه.ش
۱۸ محرم الحرام ۱۴۴۴ ه.ق
دهلمند د کرنې، اوبولګولو او مالدارۍ ریاست اړوند د مالدارۍ او حیواني روغتیا آمر حاجي مبرور مولوي صاحب په مشرۍ، چې د ښاروالۍ او چاپېریال ساتنې ریاستونو استازو هم شتون درلود، ددې ولایت د قصابانو او لبنیاتو ټولنو له مشرانو او غړو سره ناسته وشوه.
غونډه کې له مرکز څخه د قصابانو لپاره د راغلې لایحې په اړه ګډونوالو ته معلومات وړاندې شول، همدارنګه د بریډر او هغو چرګانو چې پر وارداتو او د غوښو په پېر او پلور یې بندیز لګېدلی دی په اړه یې لازمې سپارښتنې وشوې.
همدارنګه هلمند کې د لبني موادو د پېر او پلور د کار میکانیزم هم د لبنیاتو ټولنې مشر او غړو ته تشریح شو. په ناسته کې دوی ته سپارښتنې وشوې چې خپلې چارې د ځانګړې طرزالعمل له مخې مخته وېسي تر څو د هلمندوالو د ښې روغتیا په برخه کې خدمات وړاندې شي.
دغه راز د غوندې ګډونوالو ته یادونه وشوه چې په دوامداره توګه به د ټاکلي پلاوي لخوا څخه ددوی څارنه او ارزونه ترسره کېږي او هغه کسان چې د طرزالعملونو خلاف کړنې او خدمات وړاندې کوي، جریمه او د غیر قانوني کاروبار مخه به یې نیول کېږي.
