دلوګر په محمدآغې ولسوالۍ کې ۳۰۰ اړمنو کورنيو ته د چرګانونه واړه فارمونه جوړشول
۱۸ زمری ۱۴۰۱ه.ش
۱۱ محرم الحرام ۱۴۴۴ ه.ق
د لوګر د کرنې، اوبولګولو او مالدارۍ ریاست وايي چې، ددې ولايت اړوند د محمدآغې په ولسوالۍ کې ۳۰۰ اړمنو کورنيو ته د دوی د اقتصادي پياوړتيا په پار د چرګانو روزنې واړه فارمونه جوړ شول.
د چارواکو په خبره له دغو مرستو پر برخمن شويو ٣٠٠ اړمنو کورنیو باندې چرګان،د چرګانو دانې او ځیني نور توکي وېشل شوي دي.
ددې مرستې په لړ کې هرې کورنۍ ته ٣٠ دانې چرګان،٣٠٠ کیلو ګرامه د چرګانو دانې،دوه دانې دانه خوري،دوه داني آبخوري او ٤ متره جالۍ ورکړل شوي دي.
د یادو توکو په وېش غونډه کې د لوګر دکرنې رئیس، دمحمداغی ولسوالی مرستيال، د محمدآغې ولسوالی دکرنې مدیریت مسؤول او ددې ولسوالی يوشمېر اوسېدونکو ګډون کړی و.
په دې غونډه کې د لوګر دکرنې ریيس خلکو ته ددغې پروژی دازرښت په هکله هر اړخیز معلومات ورکړل او سپارښتنه یې وکړه، تر څو دغې مرستې نه اعظمي ګټه واخلي.
ددې مرستې موخه د بېوزله کورنيو ملاتړ او په دې ولسوالی کې د چرګانو روزنې صنعت ته پراختيا ورکول دي.
