ننګرهار: د کار په بدل کې د غنمو د ورکړې پروژو څخه څارنه ترسره شوه

د ننګرهار د کرنې، اوبولګولو او مالدارۍ ریاست مقام په لارښونه  د یاد ریاست اداري مسؤل قاري ذکریا په داشې حال کې، چې د شېرزادو ولسوالی د عشر او زکات مسؤل قاري اسامه یې ملتیا کوله، په یاده ولسوالی کې د کار په بدل کې د غنمو دورکړې پروژې څخه څارنه وکړه.
د شېرزادو په ولسوالی کې د غنمو د ورکړې په بدل کې د ویالو، کانالونو او کاریزونو پاکولو او سړک جوړولو پروژې پلي شوي دي.
ددې ولسوالی اوسیدونکو یادې پروژې ګټورې بولي او زیاته یې کړل، چې د نورو ورته پروژو د پلي کولو لپاره باید دغه ولسوالی ته د غنمو لا زیات سهم ورکړل شي، تر څو له یوې خوا ولسوالی کې پرمختیایي کارونه ترسره شي او له بلې خوا عامو خلکو ته د کار زمینه برابره شي.