دمیدان وردګو ولایت دکرنې ریاست: د جغتو ولسوالی د عشر او زکات مسوول او د عشر عاملینو سره غونډه وشوه
۱۲ چنګاښ ۱۴۰۱ ه.ش
۴ ذوالحجَّة ۱۴۴۳ ه.ق
د میدان وردګو ولایت دکرنې، اوبولګولو او مالدارۍ ریاست وایي، چې ددې ولایت د جغتو ولسوالی د عشر او زکات مسوول او د عشر عاملینو سره د همکارۍ او همغږۍ په پار غونډه وشوه.
د غونډې په پیل کې د جغتو ولسوالی د جومات مولوی محمد حامد عطیش په خپلو خبرو کې وویل، چې د اسلامي نظام مسؤولینو یوه دنده په کلیو کې د عشر ټولول او د عاملینو سره پوره همکاري ده، او په دی کار کې اخلاص، صداقت او شفافیت اړین توکي دي، چې باید دعمل جامه ور واغوندو. ښاغلي محمد حامدعطیش زياته کړه عشر د خدای (ج) حق ده او د اسلامي نظام مسوليت دی، چې يادې برخې ته پوره رسېدنه وکړي.
د غونډې په پای کې د يادې ولسوالی د عشر او زکات مسوول مولوی محمدحامدعطیش له عمومي رياست څخه د عشر او زکات راغلې نوټ پاڼې په عاشرينو ووېشل.
