د ننګرهار د کرنې رييس د اراضي او کډسټر کارکوونکو سره غونډه وکړه
۹ چنګاښ ۱۴۰۱ ه.ش
۱ ذوالحجَّة ۱۴۴۳ ه.ق
د ننګرهار د کرنې، اوبولګولو او مالدارۍ ریاست رئيس مولوی عبدالستار محمد، ددې ولايت د ځمکو او کډسټر ادارې د کارونو د روڼتيا او چټکتيا په پار ددې ادارې له کارکوونکو سره ناسته وکړه.
د ننګرهار دکرنې رياست وايي، چې د ځمکو او کډسټر کارمندانو سره د ورځنې کارونو د چټکتیا، شفافیت، سلسله مراتب، ښه همعږې او د کارونو په خپل وخت ترسره کولو په موخه ناسته ترسره شوه.
د ننګرهار دکرنې رييس د اراضي او کډسټر ټولو کارمندانو ته لازمې سپارښتنې وکړې او زیاته يي کړه، چې د کارونو د شفافیت او چټکتیا په موخه باید ښه همغږۍ ولري، سلسله مراتب باید مراعات او د خپلو امرینو اطاعت وکړي، ده زیاته کړه چې د اماراتي املاکاتو ساتنه په ټولو هېوادوالو فرض ده او هیچاته به اجازه ورنکړي، چې په خپل سر اماراتي املاکات غصب کړي.
بايد وويل شي، چې د اسلامي امارت د مشرتابه د حکم پر اساس د اراضي رياست د کرنې وزارت سره يوځای شوی دی.
