پکتیا؛ د کرنې رياست او د کرنې او وترنرۍ مسلکي انستیتوت ترمنځ د دوه اړخیزو همکاريو تړون لاسليک شو
۶ چنګاښ ۱۴۰۱ ه.ش
۲۸ ذوالقعده ۱۴۴۳ ه.ق
دپکتيا د کرنې، اوبولګولو او مالدارۍ رياست او د کرنې او وترنرۍ مسلکي انستیتوت ترمنځ د دوه اړخیزو همکاريو تړون د يادو ادارو د مسؤلینو ترمنځ لاسليک شو، چې له مخې به يې يادې ادارې په ګډې همغږۍ د زده کړیالانو او بزګرانو د وړتیا لوړونې او د کرنې او مالدارۍ د پياوړتيا په برخه کې هلې ځلې کوي.
دپکتیا د کرنې رئیس مولوي عبدالروف سعيد وايي؛ د کرنې رياست تخنيکي ټيم چمتو دی، چې د کرنې او مالدارۍ په برخه کې د ټولو اړوندو ادارو سره د تفاهم له مخې دوه اړخیزه همکارۍ وکړي، نوموړی زياتوي چې د لاسليک شوي تړون له مخې به د کرنې او وترنرۍ انستیتوت زده کړیالانو ته د وړتیالوړونې د روزنې ترڅنګ پر نويو څېړنو هم کار وکړي.
