د کندهار د انګورو حاصلات ۱۵ سلنه زیاته شوې

۲۶ چنګاښ ۱۳۹۸
د کندهار د کرنې، اوبولګولو اومالدارۍ ریاست چارواکي وایي، چې سږ کال ددې ولایت د انګورو حاصلات ۱۵ سلنه زیاته شوې ده. د کندهارد کرنې ریاست د چارواکو په خبره ددې ولایت پر ۲۰ زره او ۵۰۰ هکټار ځمکه کې د انګورو بڼونه جوړ شوي دي، چې له دغو بڼونو څخه سږکال ۲۷۳ زره او ۶۰ مټریک ټنه انګور په لاس راځي.
په کندهار کې د انګورو بېلابېل ډولونه شته لکه اوڅار، شونډوخاني، سره کشمش، قلمه، سره لالا، لالا یک دانه، حسیني، ایته او داسې نور.
له شونډوخاني او ایته انګورو څخه کشمش یا ممیز هم جوړېږې.
د کندهار دامان، ژړۍ، پنجوایي، معروف، شاولیکوټ، ‌‌‌‌‌‌ډنډ او ارغستان هغه ولسوالۍ دي، چې د انګور ډېر بڼونه په کې جوړې شوي دي.

انګور او انار د کندهار له مشهورو مېوو څخه ګڼل کېږي.