پکتيا کې پر يو شمېر بزګرانو کيمياوي سرې ووېشل شوې
۱۳ زمری ۱۴۰۰
د پکتيا کرنې، اوبولګولو او مالدارۍ رياست اړوند د ژغورنې نړيوالې کميټې له لورې ددې ولايت د مرکز ګرديز، احمد ابا او سيدکرم ولسواليو پر ۷۴ تنو اړمنو بزګرانو توره(Urea) او سپينه(DAP) سره ووېشل شوه.
په يادو ګټه اخيستونکو کې۲۵ تنه د مرکز ګرديز، ۲۵ تنه د احمدابا او ۲۴ تنه د سيدکرم ولسوالۍ شامل وو، چې هر بزګر ته ۵۰ کيلو توره او ۵۰ کیلو سپينه سره ورکړل شوه.
تر دې وړاندې يادو بزګرانو ته د لوبيا تخمونه او نور کرنيز توکي هم ورکړل شوي.
د پکتیا دکرنې ریاست چارواکي وايي، چې د يادو سرو له وېش څخه موخه د کرنې په مټ د اړمنو کورنيو د اقتصادي وضعيت ښه والی او د لوبيا د حاصل زياتوالی ده.
دغو مرستو څخه برخمنو بزګرانو د خوښۍ ښودلو تر څنګ د کرنې رياست له دوامداره همکاريو څخه مننه وکړه.
