د ولایتونو د کرنې ریاستونو د کړنې ارزونه
۲۰ چنګاښ ۱۴۰۰
د کرنې، اوبولګولو او مالدارۍ وزارت مالي او اداري مرستیال عبدالهادي رفیعي وايي، چې د ۳۴ ولایتونو د کرنې ریاستونو کړنې ارزول شوي دي.
ښاغلی رفیعي وایي، چې دا ارزونې د بودیجې مصرف، اداري اصلاحات او د ولایتونو په کچه د پروژو د پلي کېدو د کچې په موخه ترسره شوې ده.
هغه زیاته کړه، چې په دې ارزونه کې په ولایتونو کې د کرنې ریاستونو د دوه کلن بودیجې مصرف او دغه راز د یادو اداراتو تشکیلاتي سیسټم ته کتنه شوې ده.
ددې ارزونې له مخې په ولایتونو کې د کرنې ریاستونه په درو ډولو، ښه، مځنۍ او ضعیف ډلبندي شوي دي.
