هلمند کې د غنمو د مورني تخمونو د پروسس چارې پیل شوې

mail-admin
یکشنبه ۱۳۹۸/۴/۲۳ - ۱۶:۱۴
۲۳ چنګاښ ۱۳۹۸ د هلمند د کرنې، اوبولګولو او مالدارۍ ریاست چارواکي وایي، چې د هلمند د کرنې ریاست اړوند د بولان په څېړنیز فارم کې د غنمو د مورني تخمونو دتولید په موخه ۱۴ ډوله مورني تخمونه کرل شوې وه، چې اوس یې د پروسس لړۍ پیل شوې ده. د هلمند د کرنې، اوبولګولو او مالدارۍ رییس زلمی الکو وایي، چې د غنمو د اصلاح شویو تخمونو د کروندو ارزونې ښه یې، چې سږ کال به له دغو کروندو څخه ۱۲ مټریک ټنه د غنمو مورني تخمونه تولید شي. ښاغلی الکو زیاته کړه، چې په دې ولایت کې د غنمو د اصلاح شوي تخمونو د تولید په موخه د غنمو ۱۴ بېلابېل ډولونه یا ورایټۍ کرل شوې وه، چې له دغو غنمو څخه به کابو ۱۲ مټریک ټنه د غنمو مورني تخمونه تر لاسه شي. دهغه په خبره د غنمو دغه مورني تخمونه به دهغو شرکتونو په واک کې ورکړل شي، چې د اصلاح شوي تخمونو د تولید په برخه کې د فعالیت جواز لري. په هلمند کې د غنمو د اصلاح شوي تخمونو په تولید سره یاد ولایت د تصدیق شوي تخمونو له اړخه ځان بساینې ته نږدې کیږي. د هلمند دکرنې رییس وایي دوی هلې ځلې کوي، چې په هلمند ولایت کې د بېلابېلو نباتاتو تخمونه اصلاح او تکثیر کړي تر څو د بزګرو کرنیز محصولات د کمیت او کیفیت له پلوه ښه او د بزګرو او ځمکوالو د اقتصادي ودې لامل شي.

تازه ترین اخبار

شنبه ۱۴۰۰/۵/۲۳ - ۱۴:۴۰
Background image

نورستان ته د مچیو روزنکو پام ور اوښتی

د بزگر اونیزه | نورالله پتمن 
هېواد کې په دې ورستیو کالونو کې د مچیو روزنې او شاتو تولید لپاره د هېواد په بېلابېلو ولایتونو کې هڅې چټکې شوي دي، چې هر کال ترې په زیاته کچه لوړ کیفت. . .

پنجشنبه ۱۴۰۰/۵/۲۱ - ۱۲:۲۲
Background image

د ننګرهار وادي کرنیز شرکت سره د عصري ماشینونو او توکو مرسته وشوه

۲۱ زمری ۱۴۰۰
د ننګرهار کانال د زېرمو د بیارغونې پروژه  (NVDA) د ننګرها وادي کرنیز شرکت سره د یوشمېر عصري کرنیزو ماشینونو او توکو مرسته وکړه.
په دغو توکو کې  پنځه عرادې د اوبو سيار واټر. . .

چهارشنبه ۱۴۰۰/۵/۲۰ - ۱۶:۵۶
Background image

بغلان کې د رومي بانجانو سږني حاصلات ډېر شوې

۲۰ زمری ۱۴۰۰
د بغلان ولایت د رومي بانجانو سږني حاصلات د تېرکال په پرتله د پام وړ زیات شوي دي.
بغلان د رومي بانجانو کرکېلي لپاره مناسبه اوبه او هوا لري او په دې وروستیو کالونو کې په دې. . .

بازگشت