خوست کې د بزګرانو د زده کړې مرکز رغنیزې چارې په چټکۍ روانې دي

naim.rezai
چهارشنبه ۱۴۰۰/۴/۹ - ۱۶:۴۴
خوست کې د بزګرانو د زده کړې مرکز رغنیزې چارې په چټکۍ روانې دي

۹ چنګاښ ۱۴۰۰
د خوست د کرنې، اوبولګولو او مالدارۍ ریاست وایي، چې په دې لایت کې د مېلمه کوټ بڼ د بیارغونې چارې پیل شوي دي، چې ورسره به په دې بڼ کې د بزګرانو د زده کړې مرکز « FLRC» جوړېږي، چې رغنیزې چارې یې په چټکۍ روانې دي او ډېر ژر به ګټې اخیستنې ته وسپارل شي.
د خوست د کرنې رییس حفیظ الله شاه نوري وویل، چې د کرنې، اوبولګولو او مالدارۍ وزارت د «NCADP» پروګرام تر چتر لاندې د اړیکو دفتر له خوا د بزګرانو د زده کړې او سرچینو مرکز «FLRC» جوړولو چارې په چټکۍ روانې دي، چې درو میاشتو په موده کې به یې رغنیزې چارې بشپړ او ګټې اخیستنې ته به وسپارل شي.
ښاغلی نوري وویل، چې یاد مرکز به د ولایت په کچه د بزګرانو، د کرنې د لومړنیو توکو د پلورونکو او واردوونکو، سیمه ییزو سوداګرو، د کرنې متخصصینو، د پوهنتون زده کړیالانو، د موسساتو، دولتي او غیر دولتي برنامو د کارمندانو تر منځ همغږي رامنځته کړي.
هغه وویل، چې د خوست ولایت کې د کرنې، اوبولګولو او مالدارۍ ریاست په غوښتنه یاد مرکز د مېلمه کوټ په بڼ کې جوړېږي. چې ودانیزې چارې به یې په درو میاشتو کې بشپړ او ګټې اخیستنې ته به وسپارل شي.
حفیظ الله شاه نوري وویل، چې د یاد  مرکز په جوړولو سره به بزګران وکولی شي، چې خپلې ستونزې په خپل وخت د کرنې ریاست کارکوونکو سره شریک او حل لاره ور ته پیدا کړي، او ترڅنګ یې بزګران کولی شي، چې بېلابېلو کرنیزو مالوماتو ته لاس رسي پیدا کړي.دغه راز په دې مرکز کې به د لومړنیو توکو پلورونکو، وارودونکو او سیمه ییزو سوداګر کولی شي  مختلفې غونډې تر سره کړي او خپل معلومات له یو او بل سره شریک کړي. همدا راز د پوهنتون زده کړیالان کولی شي، چې په نوموړي مرکز کې بېلابېلې څېړنې وکړي.
یاد مرکز به په یو وخت د ۳۰ بزګرانو د روزنې وړتیا ولري

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت