دپراختيايي بوديجې د لګولو په پار د کرنې وزارت اداري غونډه وشوه
۶چنګاښ ۱۴۰۰
د کرنې وزارت وزير، مرستيالانو او مرکزي رييسانو په حضور کې د روان مالي کال د پراختيايي بوديجې لګولو، د پراختيايي بوديجې ستونزو او شته ستونزو ته د حل لارې پيداکولو په پار دکرنې، اوبولګولو او مالدارۍ وزارت اداري غونډه په لاره واچول شوه.
په دې غونډه کې دکرنې، اوبولګولو او مالدارۍ وزارت مالي او اداري مرستيال عبدالهادی رفیعي، د پراختيايي بوديجې د لګولو او په دې برخه کې د پروژو او ولايتي رياستونو په هکله مفصل راپور وړاندې کړه.
دکرنې، اوبولګولو او مالدارۍ وزير ډاکټر انوار الحق احدي د پراختيايي بوديجې د لګولو وضعيت د قناعت وړ ونه باله او ټينګار يې وکړل، چې د پروژو پلي کولو او خلکوته د چوپړتياوو په وړاندې کولو کې ځنډ او خنډ د منلو نه دي. هغه دغه راز سپارښتنه وکړه، چې په دې برخه کې په بېړه مثبت بدلون رامنځته شي
