لوګر کې د مالدارۍ د پراختیا او اصلاح په پار هڅې
۵ چنګاښ ۱۴۰۰
د لوګر دکرنې، اوبولګولو او مالدارۍ ریاست په دې ولایت کې د مالدارۍ د پراختیا او اصلاح په پار هڅې پیل کړي دي، چې په ترڅ کې یې د مصنوعي القاح له لارې ددې ولایت د محلي او نیمه محلي غواوو نسلونه اصلاح کوي.
د لوګر د کرنې ریاست چارواکي وایي، چې په دې ولایت کې د مصنوعي القاح له لارې د سیمه ییزو او نیمه سیمه ییزو غواوو نسل د اصلاح په حال کې ده، چې دغواوو د نسل په اصلاح سره حیواني محصولات زیاتېږي او د مالدارۍ د ودې لامل کېږي.
د اصلاح شوي نسل غواوې د سیمه ییزو غواوو په پرتله درې تر څلور برابره زیات شېدې ورکوي او د ورځې له ۲۰ تر ۳۰ ليټره شېدې ورکوي، په داسې حال کې چې د سیمه ییزو نسلونو د غواوو ورځنی شېدې درې تر څلور لیټرو ته رسېږي.
