پکتیا کې پر یوشمېر بڼوالو د بڼوالۍ اړوند توکي ووېشل شول

mail-admin
چهارشنبه ۱۴۰۰/۳/۲۶ - ۱۶:۱
پکتیا کې پر یوشمېر بڼوالو د بڼوالۍ اړوند توکي ووېشل شول

۲۶ غبرګولی ۱۴۰۰
د پکتیا د کرنې، اوبولګولو او مالدارۍ ریاست د کرنې وزارت اړوند د بڼوالۍ د ځنځيروي ارزښت د ودې سکتوري پروژې  (HVCDSP)  په همکارۍ ددې ولایت پر ۳۰ تنو بڼوالو د بڼوالۍ اړونده کرنيز توکي ووېشل شول.
د پکتيا د کرنې، اوبولګولو او مالدارۍ رییس انجنیر محمد دین مومند وايي، چې د يادو توکو له وېش څخه يې موخه د دوديزې بڼوالۍ پر ځای د عصري بڼوالۍ ترويج، د بڼوالۍ پراختيا، د محصولاتو د تولید او  کيفيت لوړوالی او بزګرانو ته د بڼوالۍ په برخه کې د اسانتياوو رامنځته کول دي.
د بڼوالۍ ځنځیري ارزښت د ودې سکتوري پروژې  (HVCDSP) ولایتي مسوول عارف روښان وایي، چې په دغو وېشل شویو توکو کې د دوا شیندنې « PRR»پمپ، محافظتي جامې، د ښاخبري وړه او غټه قیچې، د ښاخبري اره، او زینه شامل دي، چې د عصري بڼوالۍ د ترویج په موخه پر بڼوالو وېشل شوي دي.
ددغو مرستو د وېش موخه د بڼوالو ملاتړ او په دې ولایت کې د بڼوالۍ د محصولاتو معیاري کول دي.
د يادولو وړ ده، چې د يادې پروژې له لورې په پکتيا ولايت کې د نوې ټکنالوژۍ د دودولو په پار د مڼو ۳۰ جريبه متراکم بڼونه هم جوړ شوي دي.

تازه ترین اخبار

شنبه ۱۴۰۴/۴/۷ - ۱۵:۴۸
Background image

د کرنې وزارت د اراضۍ لوی رياست لخوا ماليې وزارت ته ځمکه ولېږدول شوه

۷ چنګاښ ۱۴۰۴ ه‍.ش
۱ مُحَرَّمُ الحَرام ۱۴۴۷ه‍.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد. . .

شنبه ۱۴۰۴/۴/۷ - ۱۵:۴۴
Background image

د ننګرهار بټي کوټ کې لسګونو بزګرانو سره د جوارو اصلاح شوي تخمونو او کرنیزو وسایلو مرسته وشوه

۷ چنګاښ ۱۴۰۴ ه‍.ش
۱ مُحَرَّمُ الحَرام ۱۴۴۷ه‍.ق
د ننګرهار د کرنې، اوبو لګولو او مالدارۍ ریاست سره په همغږۍ د کورډیډ مؤسسې په مالي او د افغانستان د کلیو بیا ودانولو مؤسسې «آر،آر،اې،اې». . .

شنبه ۱۴۰۴/۴/۷ - ۱۵:۴۴
Background image

د کرنې وزارت د عشر او زکات لوی رییس د بغلان ولایت له سیمه ییزو چارواکو سره وکتل 

۷ چنګاښ ۱۴۰۴ ه‍.ش
۱ مُحَرَّمُ الحَرام ۱۴۴۷ه‍.ق
د کرنې، اوبولګولو او مالدارۍ وزارت دعشر او زکات لوی رییس الحاج مولوی ندا محمد عابد د کرنې، اوبو لګولو او مالدارۍ د وزیر الحاج مولوی. . .

بازگشت