پکتیا کې د چهارمغزو ځنګلونو د پراختیا په پار هڅې

naim.rezai
چهارشنبه ۱۴۰۰/۳/۱۹ - ۱۳:۵۱
پکتیا کې د چهارمغزو ځنګلونو د پراختیا په پار هڅې

۱۹ غبرګولی ۱۴۰۰
د پکتیا د کرنې، اوبولګولو او مالدارۍ ریاست چارواکي وایي، چې په دې ولایت کې یې د چهارمغزو ځنګلونو د بیارغونې او پراختیا په موخه هڅې ګړندي کړي او په دې وروستیو دوو کلونو کې یې ۱۰۷ زره د چهارمغزو نیالګي یوازې د ځمکې او ځنګلونو د تلپاتې مدیریت(FAO-GEF) پروژې له لورې کېنولي دي، چې په مټ یې ۵۳۵ هکټاره تخریب شوي ځنګلونه بیا رغول شوي دي.
د پکتیا دکرنې رییس انجنیر محمد دین مومند وایي، چې د یادې پروژې له خوا په احمدابا او سیدکرم ولسوالیو کې تېر کال ۵۲ زره او سږ کال ۵۵ زره د چهارمغزو، پنځه زره د لمنځې او ۱۱۰۰ د جلغوزیو نیالګي کېنول شوي دي.
ښاغلی مومند، په یادو ولسوالیو کې د چهارمغزو کېنول د ځنګلونو د بیارغونې او پراختیا لپاره یو بنسټيز او مهم ګام یادوي او وایي، چې د یادې پروژې له خواو د ځنګلونو د پرېکېدو مخنیوي په موخه ۴۰۰ نارینه او ۲۴۰ ښځو ته د ځنګلونو د ښه مدیریت په اړه عامه پوهاوی ورکړل شوي دي او دغه راز ۱۰۰ ښځینه بزګرانو ته د بادامو بڼونه او ۱۰۰ اړمن کورنیو ته د کورنیو چرګانو فارمونه جوړ شوي او همدا ډول پر ځنګلونو د فشار کمولو په موخه ۲۹۵۵ اصلاح شوي نغري هم وېشل شوي دي.
د پکتیا دکرنې ریاست وایي، ددې ولایت د ځنګلونو د بیارغونې او پراختیا په پار هلې ځلې ډېروي، ځکه ځنګلونه له یوه پلوه چاپېريال پاک ساتي، د سېلابونو مخه نيسي او د وحشي ژوو کورونه په خپله غيږ کي لري او د بل پلوه د طبي بوټو په وده او نمو کي مهم رول لوبوي اوهم زموږ لپاره پاکه او تازه هوا برابروي. همدا راز ځنګلونه د ژوند ارزښت لرونکي اړتیاوې هم برابره وي، چې په ګڼو برخو لکه د سون لرګیو، ودانیزو چارو، د مېوو او نورو فرعي محصولاتو په توګه ترې کار اخېستل کیږي، چې دا ټول د انسانانو او وحشي حیواناتو د ژوند کولو لپاره خورا اړین دي

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت