هرات کې لومړنی مدرن او معیاري مسلخ ګټې اخیستنې ته وسپارل شو

mail-admin
چهارشنبه ۱۴۰۰/۳/۱۲ - ۱۵:۳۱
نخستین مسلخ معیاری و مدرن حیوانات در هرات به بهره‌برداری سپرده شد

۱۲ غبرګولی ۱۴۰۰
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري او د هرات والي سید وحید قتالي له خوا په دې ولایت کې لومړنی مدرن اومعیاري مسلخ یا«د څارویو د حلالې کار ځای» ګټې اخیستنې ته وسپارل شو.
ددې مسلخ د ګتې اخیستنې په پار جوړه شوې غونډه کې، د کرنې وزارت د اوبولګولو او طبیعي سرچینو مرستیال حشمت الله غفوري وویل: «د هرات مسلخ د اسیايي پراختیايي بانک په مالي مرسته د شپږ میلیونه امریکایي ډالرو په ارزښت په ۲۵ جریبه ځمکه کې جوړه شوې ده.»
ښاغلی غفوري وویل، چې یاد مسلخ په یوه کاري شفت کې د ۵۰۰ وزو او پسونو او ۱۰۰ غواوو د ذبح کولو ظرفیت لري. دغه مسلخ نه یواځې د غوښې او اړونده فرعي  محصولاتو د کیفیت او ارزښت د لوړوالي لامل کېږي بلکې کارموندنه هم ورسره پراختیا مومي.
د هرات مسلخ په عصري تکنالوژیو سمبال شوې ده، چې بېلابېلې برخې لکه له ذبحې مخکې د څارویو د څارنې او ارزونې  لپاره ځای؛ د پسونو، وزو او غواوو د پروسس ځانگړي لیکې؛ د اضافي محصولاتو  لپاره ځانگړي ځایونه؛ د غوښې او فرعي محصولاتو د ساتلو لپاره سړې خونې؛ د غوښې د معاینې لابراتوار، د قرنطین او د انسینیراتور برخې؛ د اړینو اسانتیاوو سره اداري تعمیر او د کارکوونکو لپاره اړینې څانګې؛ د غوښې د لېږد په پار یخچال لرونکي موټرونه او د څارویو د لېږد په پار موټر، سړکونه، د موټرو تم ځای، د ناپاکو اوبو د تصفیې سیسټم، جنراتور او د لومړنیو روغتیایي مرستو خونه سولر واټر هیټر او شنه سیمه لري.
 د دغو مسلخونو جوړول د قصابیو په خوندیتوب، چاپېریال ساتنې او د غوښې صادراتو ته د زمینې برابرولو په برخه کې رغنده رول لري.
هرات د هېواد یو کرنیز ولایت دی، چې د کرنیزو محصولاتو او مالدارۍ تولیداتو په برخه کې ښه ځای لري.

تازه ترین اخبار

شنبه ۱۴۰۴/۵/۱۱ - ۱۲:۴۱
Background image

د ختیځ زون د اصلاح شوي تخمونو تولیدوونکو شرکتونو ستونزو حل په موخه د همغږۍ ناسته ترسره شوه

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
په ختیځ زون کې د اصلاح شوي تخمونو تولیدوونکو شرکتونو مسؤلینو د ننګرهار د کرنې رییس مولوي محمد ولي محسن سره خپلي ستونزې، غوښتني او. . .

شنبه ۱۴۰۴/۵/۱۱ - ۱۲:۰
Background image

د ننګرهار شیشم باغ څېړنیز فارم کې پر بېلابېلو بوټو څېړنې روانې دي

۱۱ زمری ۱۴۰۴ هـ.ش
۸ صَفَر المُظَفَّر ۱۴۴۷ هـ.ق
د ننګرهار دکرنې، اوبولګولو او مالدارۍ ریاست چارواکي وايي، چې ددې ولایت دکرنې ریاست اړوند شیشم باغ څېړنیز فارم کې پر بېلابېلو بوټو څېړنې. . .

پنجشنبه ۱۴۰۴/۵/۹ - ۱۱:۵۲
Background image

د خوست ولایت تڼیو ولسوالی کې د ځنګلونو ساتنې او خوړو خوندیتوب لپاره ۵۰ لمریز پخلنځي ووېشل شول

۹ زمری ۱۴۰۴ هـ.ش
۶ صَفَر المُظَفَّر ۱۴۴۷ هـ.ق
د خوست ولایت د کرنې، اوبولګولو او مالدارۍ ریاست د طبیعي سرچینو آمریت او د اړیکو دفتر په مالي همکارۍ، د تڼیو ولسوالی په کمکې ماڼې سیمه کې د. . .

بازگشت