پکتیکا کې د کرنیزو محصولاتو مدیریت پروژې ګټې اخیستنې ته وسپارل شول

mail-admin
سه‌شنبه ۱۴۰۰/۲/۱۴ - ۲۳:۲۶
پکتیکا کې د کرنیزو محصولاتو مدیریت پروژې ګټې اخیستنې ته وسپارل شول

۱۴ غویی ۱۴۰۰
د پکتیکا د کرنې، اوبولګولو او مالدارۍ ریاست وایي، چې په دې ولایت کې د کرنیزو محصولاتو مدیریت د ۲۱۳ پروژو رغنیزې چارې بشپړ او ګټې اخیستنې ته وسپارل شول.
په دغو پروژو کې  ۳۳ د مڼو صفر انرژۍسړې خونې، د پیازو ۵۰ او د کچالو ۸۰ صفر انرژۍ زېرمتونونه او ۵۰ ممیزخونې شامل دي، چې د پکتیکا د مرکز په ګډون ددې ولایت د ارګون، شرنه، سروبي، مټاخان، یوسف خېل، یحی خېل، جانیخېل او خیرکوټ په ولسوالیو کې پلي شوي دي.
په دې اړه جوړه شوې غونډه کې د پکتیکا مرستیال والي محمد ابراهیم کټوازی، بزګرانو لپاره د یادو زېربناوو د جوړولو په پار د کرنې له وزارت څخه مننه وکړه او وویل، چې دا د کرنې په برخه کې لویه پروژه ده، چې دې سره به د بزګرانو محصولات خوندي او د خوسا کېدو مخه به یې ونیول شي. هغه ددې ولایت کروندګرو ته په خطاب کې وویل، چې له دې فرصت څخه پوره ګټه پورته کړي.
په ورته وخت کې له یادو پروژو څخه برخمن شوي بزګران د یادو خونو د جوړولو ستاینه وکړه او ویې ویل، چې له دې لارې به راټول کړي حاصلات په وخت بازار ته وړاندې او د خوسا کېدو او خرابېدو مخه به ورسره ونیول شي
د کرنې وزارت د کرنیزو محصولاتو مدیریت د پروژې له لارې د هېواد په ډېرو ولایتونو کې د پیازو او کچالو د خوندي کولو په پار صفر انرژۍ زېرمتونونه، ممیزخونې او د مڼو صفر انرژۍ سړې خونې جوړ کړي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت