د کرنې وزیر د نويو پروژو د پرانيستې، د پلي شويو پروژو د ګټې اخيستنې او د کرنيز وضعيت د ارزونې په پار کندهار ته ورسېد
۹ وری ۱۴۰۰
د کرنې، اوبولګولو اومالدارۍ وزیر ډاکټر انوارالحق احدي، د يوې پلاوي په مشرۍ د ارغنداب د اوبو زېرمو پراختیا یي پروژې « AWIRDP» د پرانیستې، د ۳۰ شنوخونو د چارې پرانیستې او ګټې اخیستنې ته د سپارلو، د ۹۱۱ ممیزخونو د چارې پرانیستې او ارزونې، د انارو د ۴۸ سړوخونو د ارزونې او پرانیستې، د خرماوو پنځه هکټاره، ترویجې، ننداریزو او سوداګریزو بڼونو څخه د لیدنې په پار کندهار ولایت ته ورسېد.
د کندهار والي روح الله خان زاده د کرنې وزير ډاکټر انوارالحق احدي او مل پلاوي ته د کندهار په هوايي ډګر کې ښه راغلاست وويل او د دوی هرکلی يې وکړ.
ښاغلی احدي کندهار ولایت ته په دې سفر کې، ددې ولایت دکرنې اړونده ننګونې او دکرنې بشپړ وضعیت ارزوي. په دې سفر کې دکرنې وزارت یوشمېر نورو چارواکو هم د کرنې وزیر ملتیا کوي.
