د خوست په دولتي قوریو کې ۱۷ زره او ۵۰۰ نیالګي روزل شوي دي

content_admin
دوشنبه ۱۳۹۹/۱۲/۱۸ - ۱۵:۲۳
د خوست په دولتي قوریو کې ۱۷ زره او ۵۰۰ نیالګي روزل شوي دي

۱۸ کب ۱۳۹۹
د خوست ولایت د کرنې، اوبولګولو او مالدارۍ ریاست چارواکي وایې، چې سږکال دیاد ولایت په دولتي قوریو کې ۱۷ زره او ۵۰۰ مېوه لرونکي او بې مېوې نیالګي روزل شوي دي او ترڅنګ یې د ولایت د مقام په وړاندیز له ننګرهار ولایت څخه پنځه زره او ۵۰۰ نیالګي غوښتل شوي، چې په نږدې راتلونکې کې به خوست ته ورسېږي او ددې ولایت په بېلابېلو سیمو کې به کېښودل شي.
د خوست ولایت د کرنې، اوبولګولو او مالدارۍ رییس حفیظ‌الله شاه نوري وایې، چې د چهار مغزو، بادام، زردالو، انار، املوک زیتون او لاچې څلور زره او ۵۰۰ نیالګي په لندرو واټرشید کې کرل شوي دي او سر بېره پر دې لس زره د بیري نیالګي د کرنې، اوبولګولو او مالدارۍ وزارت څخه غوښتل شوي دي، چې په نږدې راتلونکې کې به خوست ولایت ورسېږي.
ښاغلی نوري وویل «د دولتي بنسټونو، بڼوالو او بزګرانو له خوا به سږکال په خوست کې په ټولیزه توګه ۲۶۳ زره او ۹۴۶ مېوه لرونکي او بې مېوې نیالګي کېښودل شي.»
حفیظ الله شاه نوري دغه راز وویل، چې راتلونکې کال د بڼوالۍ د ځنځیري ارزښت د ودې سکټورې پروژه د خوست ولایت په څلورو ولسوالیو کې د متراکمو بڼونو د جوړولو چارې پیلوي.
د خوست د کرنې رییس په ټکو د خوست په څلورو ولسوالیو کې په ټولیزه توګه ۸۱ جریبه نوي بڼونه جوړېږي، چې له دې ډلې ۱۳جریبه یې د ناکو بڼونه، ۲۵ جریبه یې د لیمو، ۳۶ جریبه یې د مالټې او اووه جریبه یې د الوچې بڼونه دي، چې په عصري سیسټم به جوړ او په ټولیزه توګه به په یادو بڼونو کې ۱۳ زره او ۴۴۶ نیالګي کېښودل شي.
حفیظ‌الله شاه نوري دغه راز زیاته کړه، چې د خوست دکرنې ریاست په پام کې لري، چې د خوست د پنځو ولسوالیو په ۳۶۰ قوریو کې د چهارمغزو او ځنغویو دوه میلیونه او ۱۶۰ زره نیالګي وروزي او د پلان پر بنست یې په پلان شویو سیمو کې کېښدي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت