خوست کې د ۸۱ جریبه متراکمو بڼونو د جوړېدو چارې پیل شوې

۶ کب ۱۳۹۹
د کرنې، اوبولګولو او مالدارۍ وزارت د بڼوالۍ ځنځیري ارزښت د پراختیا سکټوري پروژې (HVCDSP) له لارې په خوست ولایت کې د ۸۱ بېلابېلو مېوو د متراکمو بڼونو دجوړولو چارې پیل کړي دي.
یاد بڼونه چې په کې د لیمو، نارنج، مالټې، آلو او ناکو بڼونه شامل دي د اسیايي پراختیایي بانک (ADB) په مرسته د څلور میلیونه او ۲۱۹ زره او ۴۶۰ افغنیو په لګښت د خوست ولایت په مرکز او ددې ولایت په ګربز، ټنی او مندوزي ولسوالیو کې جوړېږي.
یاد بڼونه ۴۵ د شرایط وړ بڼوالو ته جوړېږي.
د یادو بڼونو د جوړولو ترڅنګ، پر دغو بڼوالو د دوه میلیونه او ۱۲۳ زره او ۹۱ افغانیو په ارزښت کیمیاوي سرې او کرنیزې بستې هم ووېشل شوې.
په کرنیزو بستو کې د ښاخ برۍ لویې او وړې قیچي، اره، زینه، یوه بوجۍ توره سره او محافظتي جامې شاملې دي.