کندهار کې د نیالګیو اېښودو کمپین پیل شو

mail-admin
دوشنبه ۱۳۹۹/۱۱/۲۷ - ۱۵:۷
کندهار کې د نیالګیو اېښودو کمپین پیل شو

۲۷ سلواغه ۱۳۹۹
د کندهار د کرنې، ابولګولو او مالدارۍ ریاست له خوا په دې ولایت کې د نیالګیو اېښودو کمپین د کندهار والي روح الله خانزاده، د کرنې رییس سیدحفیظ الله سیدي، سیمه ییزو چارواکو او د خلکو استازو په شتون کې پیل شو.
په دې اړه جوړه شوې غونډه کې د کندهار والي روح الله خانزاده، د کندهار ولایت له اوسیدونکو غوښتنه وکړه، چې په دې کمپین کې برخه واخلي ترڅو هېواد مو زرغون او د سولې، ورورۍ او اخوت پیلامه شي.
د کندهار والي وویل: «د کندهار ولایت د زرغونتیا او سمسورتیا په پار دې ټول کندهار یان هلې ځلې وکړي، نیالګي دي کېنوې او او پر وخت یې پالنه وکړي.
په همدې حال کې د کندهار د کرنې رییس سیدحفیظ الله سیدي وویل، ددې لپاره چې کندهار یو ګرمسېر ولایت دی، د نیالګیو اېښود لړۍ په کې د سلواغې په میاشت کې پیل او د کب تر پایه ادامه لري.
ښاغلی سیدې وویل، چې ددې کمپین په ترڅ کې د کندهار د کرنې ریاست له خوا د ښار په بېلابېلو برخو کې ۱۲۰ زره نیالګي اېښودل کېږي او ترڅنګ یې د کندهار په اوو ولسوالیو کې د ۳۰۰ جریبه نویو بڼونو جوړولو په پار هم پر بڼوالو نیالګي وېشل کېږي.
حفیظ الله سیدې وویل،چې سږکال د کندهار دکرنې ادارې له خوا د ۱۲۰ زره نیالګیو سربېره د خصوصي سکټور په نرسریو کې نږدې یو میلیون نیالګي تولید او پر بزګرانو او بڼوالو د وېش په پار چمتو شوي دي.
د کندهار ولایت د کرنې ریاست ددې ولایت له خلکو غواړي، چې په دې کمپین کې ونډه واخلي او د ونو او نیالګیو ساتنې او څارنې ته ځانګړې پاملرنه وکړي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت