کونړ کې د مصنوعي القاح مرکز ګټې اخیستنې ته وسپارل شوه

۲۲ سلواغه ۱۳۹۹
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري کونړ ولایت ته د خپل سفر په ترڅ کې ددې ولایت والي محمد اقبال سعید او یوشمېر نورو سیمه ییزو چارواکو په شتون کې د کونړ مرکز اسعدآباد کې د څارویو مصنوعي القاح مرکز ګټې اخیستنې ته وسپارل.
د مصنوعي القاح یاد مرکز چې رغنیزې چارې یې څو میاشتې وړاندې د یو میلیون او ۹۲۸ زره افغانیو په لګښت پیل شوې وې درې کاري خونې، یو صالون او تشناب لري.
یاد مرکز به د کونړ مرکز اسعدآباد د مالدارنو د نسل اصلاح ستونزې هوارې او تر څنګ یې په ولسوالیو کې د خصوصي سکټور د مصنوعي القاح مرکزونو ته له دې لارې به ستراګانې او مایع نایتروجن د طرزالمعل مطابق وېشل کېږي.
د مصنوعي القاح د یاد مرکز د جوړېدو موخه د کونړ ولایت په مرکز او ولسوالیو کې د سیمه ییزو غواوو نسل اصلاح، د حیواني تولیداتو دکچې لوړوالی او د مالدارانو اقتصادي ودې ته زمینه برابرول دي.