لوګر کې سږ کال ۱۷۰۰ جریبه نوي بڼونه جوړ شوي
۲۰ سلواغه ۱۳۹۹
د لوګر ولایت د کرنې، اوبولګولو او مالدارۍ ریاست چارواکي وایي، چې د بڼوالۍ د ودې او پراختیا په پار یې د بېلابېلو مېوو شاوخوا ۱۷۰۰ بڼونه جوړ کړي دي.
د لوګر ولایت د کرنې رییس عبدالله تسل په وینا د یاد ولایت په مرکز او ټولو ولسوالیو کې د بڼوالۍ د ودې او پراختیا په پار ۱۵۰۰بڼونه د بڼوالۍ او مالدارۍ ملي پروژې«NHLP» او پاتې ۲۰۰جریبه یې د خلکو په ګډون د کرنې او مالدارۍ پروژې «CLAP» او کرنې ریاست په ګډې همکارۍ د ډول ډول مېوو لرونکو ونو چې ټولیز شمېر یې ۱۷۰۰ ته رسیږي د بڼوالو په ۴۰ سلنې ونډې سره جوړ کړي دي.
دغه راز په ورته وخت کې د بڼوالۍ د پراختیا، پالنې او روزنې په پار عملي لارې چارې ښودل، په عصري او نویو سیستم سره بڼونه جوړول، روزنیزې برنامې په لاره اچول هغه څه دي، چې د کرنې ریاست او همکارو پروژو له لارې سږکال بڼوالو ته ترسره شوي دي.
