کندهار کې د انارو او خټکیو له ناروغیو او افتونو سره د مبارزې کمپاین پیل شو

۲۳ غبرګولی ۱۳۹۸

د کندهار د کرنې، اوبولګولو او مالدارۍ ریاست چارواکي وایي، چې ددې ولایت د انارو او خټکیو د ناروغیو او افتونو د مخنیوي په پار د بزګرانو د سیمه ییزو ښوونځیو له لارې روزنیزې برنامې په لاره اچول شوي دي، ترڅو په دې ولایت کې د انارو او خټکیو د ناروغیو او افتونو مخه ونیول شي.

د یاد ریاست په خبره به دغه روزنیز پروګرام کې بڼوالو ته د «I.P.M» درمل جوړولو او تطبیق ترڅنګ د انارو د « Carob Moth.Melon Fly» ناروغیو د مخنیوي په هکله هم لازمې لارښوونې وشوې او ترڅنګ یې ګډونوالو ته د فراموني تلکونو د نصبولو لارې چارې هم وښودل شوې.

دغه روزنیزه برنامه د کندهار ولایت د کرنې ریاست، دکروندې ښوونځی له لورې، د خټکیو او انارو د ناروغیو او افتونو سره د مبارزې په موخه په لاره اچول شوې وه.

باید وویل شي، چې په کندهار ولایت کې د ونو په ځانګړې توګه د انارو ونو او خټکیو د ناروغیو او افتونو د مخنیوي په پار هلې ځلې روانې دي.